ജയ്പൂര്‍:  രാജസ്ഥാനില്‍ വിവാഹസംഘം സഞ്ചരിച്ച ബസ് നദിയിലേക്കു മറിഞ്ഞ് 25 പേര്‍ മരിച്ചു. മൂന്നുപേര്‍ക്കു പരുക്കേറ്റു. ബസില്‍  28 പേരാണുണ്ടായിരുന്നത്.

ബുന്തി ജില്ലയിലെ കോട്ട-ദൗസ ഹൈവേയില്‍ ഇന്നലെ രാവിലെയായിരുന്നു അപകടം. കോട്ടയില്‍നിന്നു സ്വായ് മദാപൂരിലേക്കു പോയ ബസാണ് അപകടത്തില്‍പ്പെട്ടത്. 

പാലത്തിലെത്തിയപ്പോള്‍ നിയന്ത്രണം നഷ്ടമായി നദിയിലേക്കു മറിയുകയായിരുന്നു.  പാലത്തിന് കൈവരി ഉണ്ടായിരുന്നില്ലെന്നാണ് വിവരം. 13 പേര്‍ സംഭവസ്ഥലത്ത് വച്ചുതന്നെ മരിച്ചു. ഗുരുതരമായി പരുക്കേറ്റവരെ കോട്ടയിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു.