കോഴിക്കോട്: നിയന്ത്രണംവിട്ട ബസ് റോഡരികിലെ മതിലില്‍ ഇടിച്ച് ഏഴു യാത്രക്കാര്‍ക്ക് പരുക്കേറ്റു. പരുക്കേറ്റവരില്‍ അഞ്ചു പേര്‍ സ്ത്രീകളാണ്. ഇന്നലെ ഉച്ചയ്ക്ക് 1.30 ഓടെ തൊണ്ടയാട് ജങ്ഷന് സമീപം കാവില്‍ സ്റ്റോപ്പിനടുത്താണ് സംഭവം. അരീക്കോട് എടവണ്ണപ്പാറയില്‍നിന്നും കോഴിക്കോട്ടേക്ക് വരികയായിരുന്ന സഫ ബസാണ് അപകടത്തില്‍പ്പെട്ടത്. ബസിന്റെ മുന്‍ഭാഗം നിലത്തു തട്ടിനിന്നതിനാല്‍ യാത്രക്കാര്‍ രക്ഷപ്പെടുകയായിരുന്നു. പരുക്കേറ്റവര്‍ മെഡിക്കല്‍ കോളജ് ആശുപത്രിയില്‍ ചികിത്സ തേടി.