ബേ ഓവല്‍: ന്യൂസിലന്‍ഡിനെതിരായ ആദ്യ രണ്ടണ്ട് ഏകദിന ക്രിക്കറ്റ് മത്സരങ്ങളിലും തകര്‍പ്പന്‍ ജയം നേടിയ ഇന്ത്യ മൂന്നാം അങ്കവും ജയിച്ച് പരമ്പര പിടിക്കാന്‍ ഇന്നിറങ്ങുന്നു.

രാവിലെ 7.30നാണ് മത്സരം ആരംഭിക്കുന്നത്. രണ്ടണ്ടാം മത്സരം നടന്ന മൗണ്ടണ്ട് മൗന്‍ഗനൂയിലെ ബേ ഓവല്‍ സ്റ്റേഡിയത്തിലാണ് മൂന്നാം മത്സരവും നടക്കുക. തോറ്റാല്‍ അഞ്ചു മത്സരങ്ങളുടെ പരമ്പര നഷ്ടമാകുമെന്നതിനാല്‍ ന്യൂസിലന്‍ഡിന് നിര്‍ണായകമാകും മൂന്നാം മത്സരം.
ആദ്യ മത്സരത്തില്‍ ബൗളര്‍മാരും രണ്ടണ്ടാം മത്സരത്തില്‍ ബാറ്റ്‌സ്മാന്മാരുമാണ് ഇന്ത്യയ്ക്ക് ജയമൊരുക്കിയത്. രണ്ടണ്ട് കളികളിലും ന്യൂസിലന്‍ഡിന്റെ ബാറ്റിങും ബൗളിങും പൂര്‍ണ പരാജയമായിരുന്നു. ശ്രീലങ്കയ്‌ക്കെതിരായ പരമ്പര തൂത്തുവാരി ഇന്ത്യയെ നേരിടുന്ന ന്യൂസിലന്‍ഡിന് തൊട്ടതെല്ലാം പിഴയ്ക്കുകയായിരുന്നു. റണ്ണൊഴുക്കിന് സഹായകമാകുന്ന വിധത്തിലാണ് പിച്ച് ഒരുക്കിയിട്ടുള്ളത്. മൂന്നാം മത്സരവും ജയിച്ച് പരമ്പര ഉറപ്പിക്കാനാകും ഇന്ത്യയുടെ ശ്രമം. മൂന്നാം മത്സരത്തിന് ശേഷം ഇന്ത്യന്‍ നായകന്‍ നാട്ടിലേക്ക് മടങ്ങുന്നതിനാല്‍ ഇന്ന് തന്നെ പരമ്പര വരുതിയിലാക്കാനാകും ഇന്ത്യ ശ്രമിക്കുക. ആദ്യ രണ്ട് മത്സരങ്ങള്‍ക്കുമിറക്കിയ ടീമിനെ തന്നെയായിരിക്കും ഇന്ത്യ ആദ്യ ഇലവനില്‍ ഇറക്കുക. ന്യൂസിലന്‍ഡ് നിരയിലും കാര്യമായ മാറ്റാമൊന്നും ഉണ്ടാവില്ലെന്നാണ് റിപ്പോര്‍ട്ടുകള്‍.