മലപ്പുറം: ഖാദര്‍ കമ്മിഷന്‍ റിപ്പോര്‍ട്ടില്‍ കെ.എ.ടി.എഫ് സമഗ്ര ചര്‍ച്ച സംഘടിപ്പിക്കുന്നു. ഫെബ്രുവരി രണ്ടിന് ഉച്ചയ്ക്ക് രണ്ടിന് സംസ്ഥാന സമ്മേളനത്തിന്റെ ഭാഗമായി സംഘടിപ്പിക്കുന്ന വിദ്യാഭ്യാസ സമ്മേളനമാണ് റിപ്പോര്‍ട്ട് ചര്‍ച്ച ചെയ്യുക. സംസ്ഥാന പ്രസിഡന്റ് ഇബ്രാഹിം മുതൂര്‍ അധ്യക്ഷനാകുന്ന സംഗമം വിദ്യാഭ്യാസ മന്ത്രി സി. രവീന്ദ്രനാഥ് ഉദ്ഘാടനം ചെയ്യും. ഇ.ടി മുഹമ്മദ് ബഷീര്‍ മുഖ്യപ്രഭാഷണം നടത്തും. ഡോ. കുഞ്ഞിമുഹമ്മദ് പുലവത്ത്, ഒ. അബ്ദുറഹീം, അധ്യാപക സംഘടനാ നേതാക്കളായ വി.കെ സതീശന്‍, പി. ഹരിഗോവിന്ദന്‍, വി.കെ മൂസ പങ്കെടുക്കും.