കോട്ടയം: പട്ടിക വര്‍ഗ വികസന വകുപ്പിന് കീഴില്‍ തിരുവനന്തപുരം ജില്ലയില്‍ ഞാറനീലി, കുറ്റിച്ചല്‍ എന്നിവിടങ്ങളില്‍ പ്രവര്‍ത്തിക്കുന്ന സി.ബി.എസ്.ഇ സ്‌കൂളുകളില്‍ 2017-18 അധ്യായന വര്‍ഷം ഒന്നാം ക്ലാസ് പ്രവേശനത്തിനായി പട്ടിക വര്‍ഗ വിഭാഗത്തിലെ കുട്ടികളില്‍ നിന്നും അപേക്ഷ ക്ഷണിച്ചു. കോട്ടയം ജില്ലയില്‍ നിന്നും നാല് കുട്ടികള്‍ക്കാണ് പ്രവേശനത്തിന് അര്‍ഹതയുള്ളത്. അപേക്ഷകരുടെ കുടുംബ വാര്‍ഷിക വരുമാനം ഒരു ലക്ഷം രൂപയില്‍ താഴെയായിരിക്കണം.  പൂരിപ്പിച്ച അപേക്ഷ മാര്‍ച്ച് 31 നകം കാഞ്ഞിരപ്പള്ളി ഐ.ടി.ഡി.പി ഓഫിസിലോ, മേലുകാവ്, പുഞ്ചവയല്‍, വൈക്കം എന്നീ ട്രൈബല്‍ എക്സ്റ്റന്‍ഷന്‍ ഓഫിസുകളിലോ ലഭിക്കണം. അപേക്ഷയും രേഖകളും ഹാജരാക്കുന്ന കുട്ടികള്‍ പട്ടികവര്‍ഗ വികസന വകുപ്പ് നടത്തുന്ന പ്രവേശന പരീക്ഷയില്‍ പങ്കെടുക്കണം. ഫോണ്‍: 04820 202751.