കോഴിക്കോട്: ഇടിയങ്ങര അല്‍ മര്‍കസുല്‍ ഫാറൂഖിയുടെ ഒരുവര്‍ഷം നീണ്ടുനില്‍ക്കുന്ന സില്‍വര്‍ ജൂബിലി ആഘോഷങ്ങള്‍ക്ക് തുടക്കമായി. കുറ്റിച്ചിറയില്‍ നടന്ന പ്രഖ്യാപന സമ്മേളനം എം.പി അബ്ദുസ്സമദ് സമദാനി ഉദ്ഘാടനം ചെയ്തു. കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി സില്‍വര്‍ ജൂബിലി പ്രഖ്യാപനം നടത്തി.
കേരള ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി, സുപ്രഭാതം മാനേജിങ് എഡിറ്റര്‍ നവാസ് പൂനൂര്‍, സയ്യിദ് ഹസന്‍ സഖാഫ് തങ്ങള്‍, പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍, സി.വി കാബില്‍ സംസാരിച്ചു. സ്വാഗതസംഘം ജനറല്‍ കണ്‍വീനര്‍ എം.വി.എ സിദ്ദീഖ് ബാഖവി സ്വാഗതവും കെ.പി സക്കരിയ നന്ദിയും പറഞ്ഞു.
മുഖ്യരക്ഷാധികാരി എം.വി മുജവ്വിദ്, അബ്ദുറസാഖ് മുസ്‌ലിയാര്‍, സി.പി ഉസ്മാന്‍കോയ സംബന്ധിച്ചു.