വേങ്ങര: ദേശീയപാതയില്‍ കൊളപ്പുറത്തും വി.കെ പടിയിലും അപകടം. ഇന്നലെ രാവിലെ 9.30ഓടെ കൊളപ്പുറം തിരൂരങ്ങാടി റോഡ് ജങ്ഷനില്‍ രണ്ടു കാറുകളും വി.കെ പടി അങ്ങാടിക്കു സമീപം ഓട്ടോയും കാറും കൂട്ടിയിയടിച്ചു. ചേളാരി ഭാഗത്തേക്കു പോകുന്ന ഹോണ്ട സിറ്റി കാറും എതിര്‍ദിശയില്‍ വന്ന സ്വിഫ്റ്റ് കാറുമാണ് കൊളപ്പുറത്ത് അപകടത്തില്‍പെട്ടത്. വി.കെ പടിയില്‍ ഓടിക്കൊണ്ടിരിക്കുന്ന സ്റ്റാര്‍ കാറിനു പിറകില്‍ ഓട്ടോയിടിച്ചു.
കൊളപ്പുറം ജങ്ഷനില്‍ കാര്‍ തലകീഴായി മറിഞ്ഞെങ്കിലും യാത്രക്കാര്‍ രക്ഷപ്പെട്ടു.