കണ്ണൂര്‍: കേന്ദ്ര-സംസ്ഥാന സര്‍ക്കാരുകളുടെ ഡിജിറ്റല്‍ സേവനങ്ങള്‍ ജനങ്ങളിലെത്തിക്കുന്നതിനും  പരിചയപ്പെടുത്തുന്നതിനുമായി ഡിജിറ്റല്‍ രഥം ജില്ലയില്‍ പര്യടനം തുടങ്ങി. കലക്ടറേറ്റില്‍ ജില്ലാപഞ്ചായത്ത് പ്രസിഡന്റ് കെ.വി സുമേഷ് ഫഌഗ് ഓഫ് ചെയ്തു. എ.ഡി.എം മുഹമ്മദ് യൂസഫ് അധ്യക്ഷനായി. ആന്‍ഡ്രൂസ് വര്‍ഗീസ്, കെ സന്തോഷ്, മിഥുന്‍ കൃഷ്ണ, കെ.കെ രോഷി സംസാരിച്ചു.
ഏഴിന് രാവിലെ 10ന് ചിറക്കുനി, ഉച്ചയ്ക്ക് രണ്ടിന് തലശ്ശേരി, എട്ടിന് രാവിലെ 10ന് കൂത്തുപറമ്പ്, ഉച്ചയ്ക്ക് രണ്ടിന് മട്ടന്നൂര്‍, ഒന്‍പതിന് രാവിലെ 10ന് പേരാവൂര്‍, ഉച്ചയ്ക്ക് രണ്ടിന് പയ്യാവൂര്‍, 10ന് രാവിലെ 10ന് തളിപ്പറമ്പ്, ഉച്ചയ്ക്ക് രണ്ടിന് പിലാത്തറ, 11ന് രാവിലെ 11ന് പയ്യന്നൂര്‍ എന്നിവിടങ്ങളില്‍ വാഹനം ക്യാം പ് ചെയ്യും.