മുണ്ടകുറ്റി: മൂണ്‍ലൈറ്റ് എല്‍.പി സ്‌കൂളിലെ വാര്‍ഷികാഘോഷവും യാത്രയയപ്പ് സമ്മേളനവും നടത്തി. സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. പടിഞ്ഞാറത്തറ ഗ്രാമ പഞ്ചായത്ത് പ്രസിഡന്റ് സജേഷ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ മുഖ്യാഥിതിയായി. സര്‍വിസില്‍ നിന്ന് വിരമിക്കുന്ന അബ്ദുല്‍ നാസര്‍ മാസ്റ്ററെ വൈത്തിരി ഉപജില്ലാ വിദ്യാഭ്യാസ ഓഫിസര്‍ എം മമ്മു മാസ്റ്റര്‍ ആദരിച്ചു. മുഹമ്മദലി മാസ്റ്റര്‍ ബോധവല്‍ക്കരണ ക്ലാസെടുത്തു. കുപ്പാടിത്തറ ശാന്തി പെയിന്‍ ആന്‍ഡ് പാലിയേറ്റീവ് വിദ്യാലയത്തിന് സംഭാവന ചെയ്ത കംപ്യൂട്ടറിന്റെ ഉദ്ഘാടനം പ്രസിഡന്റ് സി.കെ ഉസ്മാന്‍ ഹാജി നിര്‍വഹിച്ചു. ഏറ്റവും പ്രായം കൂടിയ പൂര്‍വ വിദ്യാര്‍ഥി കല്ലാച്ചി ഇബ്‌റാഹീം ഹാജിയെ ജില്ലാ പഞ്ചായത്തംഗം കെ.ബി നസീമ ആദരിച്ചു. ഉന്നത വിജയം നേടിയ പൂര്‍വ വിദ്യാര്‍ഥി ഡോ. ദിപിന്‍ സായി ബാബുവിനെ യോഗം അഭിനന്ദിച്ചു. സ്‌കൂള്‍ പതിപ്പുകളുടെ പ്രകാശനം വാര്‍ഡംഗം ജോസഫ് പല്ലുമാരിയില്‍ നിര്‍വഹിച്ചു. പി.ടി.എ പ്രസിഡന്റ് പി.എം ജോയി, പ്രധാനാധ്യാപകന്‍ ടി ഇബ്‌റാഹീം, ശങ്കരന്‍കുട്ടി, ശിജി, സൈനമ്മ ഐസക്, ജോസഫ് മാസ്റ്റര്‍, ആര്‍.കെ ഇബ്‌റാഹീം, കെ.ഡി ശശി എന്നിവര്‍ സംസാരിച്ചു. സ്‌കൂള്‍ വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും കലാപരിപാടികളും നടത്തി.