കാസര്‍കോട്: എന്‍ഡോസള്‍ഫാന്‍ ദുരിതബാധിതരുടെ അമ്മമാര്‍ ഇന്നു മുതല്‍ സെക്രട്ടേറിയറ്റ് പടിക്കല്‍ അനിശ്ചിതകാല പട്ടിണിസമരം ആരംഭിക്കും. സമരം കവയിത്രി സുഗതകുമാരി ഉദ്ഘാടനം ചെയ്യും. ദയാബായി, എസ്.പി ഉദയകുമാര്‍, വി.എം സുധീരന്‍, വിളയോടി വേണുഗോപാല്‍ തുടങ്ങിയവര്‍ സംബന്ധിക്കും.

എന്‍ഡോസള്‍ഫാന്‍ ഇരകളോട് കേന്ദ്ര-സംസ്ഥാന സര്‍ക്കാരുകള്‍ക്കുള്ള ബാധ്യത നിറവേറ്റുക, സുപ്രിം കോടതി വിധി നടപ്പാക്കുക, സര്‍ക്കാര്‍ തീരുമാനങ്ങള്‍ നടപ്പാക്കുക തുടങ്ങിയ ആവശ്യങ്ങള്‍ ഉന്നയിച്ചാണ് പട്ടിണി സമരം നടത്തുന്നത്.

സാമൂഹ്യ, മനുഷ്യാവകാശ പ്രവര്‍ത്തക ദയാബായി അമ്മമാരുടെ പട്ടിണി സമരത്തോടൊപ്പം 31ന് അനിശ്ചിതകാല നിരാഹാര സമരം ആരംഭിക്കും.