കോഴിക്കോട്: പരേതനായ ഒഴുകില്‍ മീത്തല്‍ സുനില്‍കുമാറിന്റെ കുടുംബത്തിനു തലക്കുളത്തൂര്‍ സി.എം.എം ഹയര്‍ സെക്കന്‍ഡറി സ്‌കൂളിന്റെയും എലത്തൂര്‍ ജനമൈത്രി പൊലിസിന്റെയും സഹകരണത്തോടെ നിര്‍മിച്ചുനല്‍കിയ വീടിന്റെ താക്കോല്‍ദാനം ജില്ലാ പൊലിസ് മേധാവി കെ. സഞ്ജയ് കുമാര്‍ ഗുരുദിന്‍ നിര്‍വഹിച്ചു. കോഴിക്കോട് നോര്‍ത്ത് അസി. കമ്മിഷണര്‍ ഇ. പൃഥ്വിരാജന്‍ മുഖ്യാതിഥിയായി.
തലക്കുളത്തൂര്‍ ഗ്രാമ പഞ്ചായത്ത് വികസന സ്റ്റാന്റിങ് കമ്മറ്റി ചെയര്‍മാന്‍ കെ.പ്രകാശന്‍ അധ്യക്ഷനായി. എലത്തൂര്‍ എസ്.ഐ ടി.വി ധനഞ്ജയദാസ്, പഞ്ചായത്തംഗം പി.പി സുഭാഷിണി, സ്‌കൂള്‍ പ്രിന്‍സിപ്പല്‍ ഫാത്തിമ ഹന്നഹഗര്‍, എന്‍.കെ അബ്ദുല്‍ സത്താര്‍, വി.ടി അനുപമ, ഹരീഷ് കുമാര്‍, പൊലിസ് ഓഫിസര്‍മാര്‍, രാഷ്ട്രീയ പാര്‍ട്ടി പ്രതിനിധികള്‍ സംബന്ധിച്ചു.