തിരൂരങ്ങാടി: ജില്ലയില്‍ ദേശീയപാത ബി.ഒ ടി ചുങ്കപ്പാതയാക്കി വികസിപ്പിക്കുന്ന പദ്ധതിയുമായി ബന്ധപ്പെട്ട് കിടപ്പാടവും തൊഴിലും ഉപജീവനമാര്‍ഗങ്ങളും നഷ്ടമാവുന്ന പതിനൊന്നായിരത്തോളം കുടുംബങ്ങളുടെ ജീവല്‍ പ്രശ്‌നങ്ങളില്‍ ഒട്ടകപ്പക്ഷി നയം സ്വീകരിച്ച മുഖ്യ രാഷ്ട്രീയ കക്ഷികളെ പാര്‍ലമെന്റ് തെരഞ്ഞെടുപ്പില്‍ തോല്‍പ്പിക്കുമെന്ന് എന്‍.എച്ച് ആക്ഷന്‍ കൗണ്‍സില്‍ ജില്ല കമ്മിറ്റി യോഗം വ്യക്തമാക്കി.
നിലവില്‍ സ്വതന്ത്രമായും സൗജന്യമായും ജനങ്ങള്‍ ഉപയോഗിച്ച് വരുന്ന ദേശീയ പാതയെ വികസനത്തിന്റെ മറവില്‍ കനത്ത ടോള്‍ കൊടുത്താല്‍ മാത്രം സഞ്ചരിക്കാനുവാദമുള്ള ചുങ്കപ്പാതയാക്കി മാറ്റുന്ന നിലപാടിനെതിരേ പോലും പ്രതികരിക്കാതെ ടോള്‍ മാഫിയക്ക് കൂട്ടുനില്‍ക്കുന്നവര്‍ ജനവഞ്ചകരാണെന്ന് യോഗം കുറ്റപ്പെടുത്തി. എന്‍.എച്ച് ആക്ഷന്‍ കൗണ്‍സില്‍ ജില്ലാ ചെയര്‍മാന്‍ അബുലൈസ് തേഞ്ഞിപ്പലം അധ്യക്ഷനായി. പി.കെ പ്രദീപ് മേനോന്‍ ഉദ്ഘാടനം ചെയ്തു.