തിരുവനന്തപുരം: സി. ദിവാകരന്‍ എം.എല്‍.എ രചിച്ച 'രാഷ്ട്രീയം; സ്മരണ, പ്രഭാഷണം' എന്ന ലേഖന സമാഹാരം പ്രകാശനം ചെയ്തു. വൈ.എം.സി.എ ലൈബ്രറി ഹാളില്‍ നടന്ന ചടങ്ങില്‍ ഭരണപരിഷ്‌കാര കമ്മിഷന്‍ ചെയര്‍മാന്‍ വി.എസ് അച്യുതാനന്ദന്‍ പുസ്തകത്തിന്റെ പ്രകാശനം നിര്‍വഹിച്ചു. സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ പുസ്തകം ഏറ്റുവാങ്ങി. പ്രഭാത് ബുക്ക് ഹൗസാണ് പുസ്തകം പ്രസിദ്ധീകരിച്ചിരിക്കുന്നത്.
നൂറുല്‍ ഇസ്‌ലാം യൂനിവേഴ്‌സിറ്റി പ്രോ വൈസ് ചാന്‍സലര്‍ എം.എസ് ഫൈസല്‍ഖാന്‍ അധ്യക്ഷനായി. പ്രഭാത് ബുക്ക് ഹൗസ് ജനറല്‍ മാനേജര്‍ എസ്. ഹനീഫ റാവുത്തര്‍ സ്വാഗതം പറഞ്ഞു. പ്രൊഫ. ജി.എന്‍ പണിക്കര്‍, ഡോ. ജോര്‍ജ് ഓണക്കൂര്‍, സി.പി.ഐ തിരുവനന്തപുരം ജില്ലാ സെക്രട്ടറി അഡ്വ. ജി.ആര്‍ അനില്‍, ഡോ. വള്ളിക്കാവ് മോഹന്‍ദാസ്, പ്രൊഫ. എം. ചന്ദ്രബാബു പ്രസംഗിച്ചു.