തേഞ്ഞിപ്പലം: മഴ നനഞ്ഞതുകാരണം പുതിയ അഞ്ഞൂറു രൂപാ നോട്ടിന്റെ കളറിളകി നിറവ്യത്യാസം സംഭവിച്ചു. ചേളാരി പാണക്കാട് സ്വദേശി കടവത്ത് അമീറിന്റെ കൈവശമുള്ള 500 രൂപാ നോട്ടിനാണ് നിറവ്യത്യാസം വന്നത്.
കളറിളകിയ നോട്ട് മാറിക്കിട്ടാന്‍ യുവാവ് ചേളാരി ഗ്രാമീണബാങ്കിനെ സമീപിച്ചെങ്കിലും എസ്.ബി.ടിയില്‍നിന്നു മാത്രമേ നോട്ട് മാറാനാകൂവെന്നായിരുന്നു മറുപടി. തുടര്‍ന്നു യുവാവ് നോട്ടുമായി എസ്.ബി.ടിയിലെത്തി. പക്ഷേ, അവരും നോട്ട് സ്വീകരിക്കാന്‍ തയാറായില്ല. കോഴിക്കോട്ടെ എസ്.ബി.ഐയില്‍ നേരിട്ടു കൊണ്ടുകൊടുക്കാനായിരുന്നു നിര്‍ദേശം.