തേഞ്ഞിപ്പലം: ഇന്നു തുടങ്ങുന്ന ഹയര്‍സെക്കന്‍ഡറി പരീക്ഷയെഴുതാന്‍ ഒരു വീ്ടടില്‍നിന്ന് ആറു വിദ്യാര്‍ഥികള്‍. പാണമ്പ്ര പി.എം അലവിക്കുട്ടിയുടെ ആറു പേരമക്കളാണ് ഒരുമിച്ച് പ്ലസ്ടു പരീക്ഷയെഴുതാന്‍ തയാറെടുക്കുന്നത്.
മക്കളുടെ മക്കളായ ആറു പേര്‍ ഒരുമിച്ച് പ്ലസ്ടു പരീക്ഷയെഴുതുന്ന അപൂര്‍വ അനുഭവത്തിനു റിട്ട. പ്രഥമാധ്യാപകന്‍കൂടിയായ പി.എം അലവിക്കുട്ടി സാക്ഷ്യംവഹിക്കുകയാണ്. തേത്തിപ്പലത്തെ ആദ്യകാല അധ്യാപകരില്‍പ്പെട്ട അലവിക്കുട്ടി വാര്‍ധക്യത്തിലും പേരമക്കള്‍ക്കു പാഠഭാഗങ്ങള്‍ പറഞ്ഞുകൊടുക്കുന്നുണ്ട്. പി.എം അലവിക്കുട്ടിയുടെ മക്കളായ സൈനുല്‍ ആബിദീന്‍, അന്‍സാര്‍ ബിഗം മുഹമ്മദ്, ശിഹാബുദ്ദീന്‍, മുഹമ്മദ് ഇഖ്ബാല്‍, സാബിറ മുഹമ്മദ്, നസീബ് സുലൈമാന്‍ എന്നിവരുടെ മക്കളായ ആഷിഖ്, അസ്ഹറുദ്ദീന്‍, ഫാത്തിമ ഹഷ്മി, ഇസ്മത്ത് ഫാത്തിമ, ശമീമ, ശജീം എന്നിവരാണ് പരീക്ഷയെഴുതുന്നത്.