റിയാദ്: സഊദിയിൽ കോവിഡ് 19 വൈറസ് നിരീക്ഷണത്തിൽ മലയാളിയും. മലപ്പുറം സ്വദേശിയാണ് കൊറോണ വൈറസ് നിയന്ത്രണ നടപടിയുടെ ഭാഗമായി നിരീക്ഷണത്തില്‍ കഴിയുന്നത്. കിഴക്കന്‍ യൂറോപ്പില്‍നിന്നു വിനോദയാത്ര കഴിഞ്ഞെത്തിയ ഇയാളെ സഊദി ആരോഗ്യ മന്ത്രാലയം പ്രത്യേക നിരീക്ഷണ കേന്ദ്രത്തിലേക്ക് അയക്കുകയായിരുന്നു. ഒരാഴ്ചയായി നിരീക്ഷണ കേന്ദ്രത്തില്‍ കഴിയുന്ന ഇയാളുടെ ആദ്യ സാമ്പിള്‍ സ്രവ പരിശോധനയില്‍ വൈറസ് ബാധയില്ലെന്ന് സ്ഥിരീകരിച്ചിട്ടുണ്ട്.