റിയാദ്: കേരളത്തിൽ പുതിയ കൊറോണ കേസുകൾ റിപ്പോർട്ട് ചെയ്തതിന്റെ പശ്ചാത്തലത്തിൽ കേരളത്തിലെത്തിയ തങ്ങളുടെ പൗരന്മാരോട് ജാഗ്രത പാലിക്കാൻ സഊദി അധികൃതർ നിർദേശം നൽകി. മുംബൈയിലെ സഊദി കോൺസുലേറ്റ് ആണ് ഇത് സംബന്ധിച്ച നിർദേശം നൽകിയത്.

ടൂറിസം, ആരോഗ്യ പരിലാപാലനം, ചികിത്സ, ബിസിനസ് ആവശ്യത്തിനായാണ് സാധാരണ രീതിയിൽ സഊദികളടക്കമുള്ള അറബികൾ കേരളത്തിലേക്ക് എത്തുന്നത്. കേരളത്തിലെ പ്രാദേശിക സർക്കാർ അധികൃതർ നൽകുന്ന നിർദേശങ്ങൾ സഊദി പൗരന്മാർ പാലിക്കണമെന്നും പാസ്‌പോർട്ട് വിവരങ്ങളും ഫോൺ നമ്പറുകളും 9892019444 എന്ന നമ്പറിൽ ബന്ധപ്പെട്ട് കോൺസുലേറ്റിൽ രജിസ്റ്റർ ചെയ്യണമെന്നും മുംബൈ സഊദി കോൺസുലേറ്റ് ആവശ്യപ്പെട്ടു.