പുതുനഗരം: ആറ് കിലോ കഞ്ചാവുമായി യുവാവ് പിടിയില്‍. മലപ്പുറം സ്വദേശി നൗഷാദ് (19) ആണ് അറസ്റ്റിലായത്. ഗോവിന്ദപുരത്ത് എക്‌സൈസ് സംഘം നടത്തിയ വാഹന പരിശോധനക്കിടെയാണ് സ്വകാര്യ ബസില്‍ സ്‌കൂള്‍ ബാഗിനകത്ത് വച്ച് കടത്തുന്നതിനിടെ കഞ്ചാവ് പിടികൂടിയത്. പൊള്ളാച്ചിയില്‍നിന്നും തൃശൂരിലേക്ക് ചില്ലറ വില്‍പ്പനക്ക് കൊണ്ടുപോവുകയായിരുന്നു കഞ്ചാവ്. കഴിഞ്ഞ മൂന്നു മാസത്തിനിടെ കഞ്ചാവുമായി പിടിയിലായവരില്‍ ഭൂരിഭാഗവും 20നു താഴെ പ്രായമുള്ളവരാണെന്ന് എക്‌സൈസ് ഉദ്യോഗസ്ഥര്‍ പറഞ്ഞു. കൊല്ലങ്കോട് എക്‌സൈസ് ഇന്‍സ്‌പെക്ടര്‍ എസ്. ബാലഗോപാലന്‍, സിവില്‍ എക്‌സൈസ് ഓഫിസര്‍മാരായ വി. സുദര്‍ശനന്‍ നായര്‍, വി.ആര്‍ ബാലകൃഷ്ണന്‍, സിവില്‍ എക്‌സൈസ് ഓഫിസര്‍മാരായ ആര്‍. ബാബു, എ. ഷാജഹാന്‍ എം. രാധാകൃഷ്ണന്‍, എസ്. രാജീവ്, എം. മഹേഷ്, ആര്‍. പ്രത്യുഷ്, സി. മോഹനന്‍, വനിതാ സിവില്‍ എക്‌സൈസ് ഓഫിസര്‍മാരായ എച്ച്. ഷെയ്ക്ക് ബീവി, വി.പി രാഗി, ഡ്രൈവര്‍ ഡി. ഷെയ്ക്ക് മുജീബ് പരിശോധനയില്‍ പങ്കെടുത്തു.