നെയ്യാറ്റിന്‍കര: വ്യാവസായികാടിസ്ഥാനത്തില്‍ കടയില്‍ സൂക്ഷിച്ചിരുന്ന വ്യാജ മദ്യം പിടികൂടി. നെയ്യാറ്റിന്‍കര പൂഴിക്കുന്നിനു സമീപം ആവണക്കിന്‍വിള എന്ന സ്ഥല ത്ത് മുറുക്കാന്‍ കട നടത്തി വരികയായിരുന്ന സുരേഷിന്റെ (40) കടയില്‍ നിന്നുമാണ് മദ്യം പിടിച്ചെടുത്തത്. 40 ലിറ്റര്‍ ഐ.എം.എഫ്.എല്‍ ആണ് പിടികൂടിയത്. ഇയാള്‍ നിരവധി അബ്കാരി കേസുകളിലെ പ്രതിയാണെന്ന് എക്‌സൈസ് സംഘം പറഞ്ഞു. കടയ്ക്കുള്ളില്‍ രഹസ്യ അറയില്‍ സൂക്ഷിച്ചിരിക്കുകയായിരുന്നു. നാട്ടുകാരുടെ പരാതിയുടെ അടിസ്ഥാനത്തില്‍ തിരുപുറം റെയ്ഞ്ച് എക്‌സൈസ് അധികൃതരുടെ നേതൃത്വത്തിലായിരുന്നു പരിശോധന. സംഘത്തില്‍ എക്‌സൈസ് ഇന്‍സ്‌പെക്ടര്‍ പി.എല്‍.ഷിബു , അസി.എക്‌സൈസ് ഇന്‍സ്‌പെക്ടര്‍ ബാബു , മറ്റ് ഉദ്യോഗസ്ഥരായ സന്തോഷ്‌കുമാര്‍ , സ്റ്റീഫന്‍ , അജികുമാര്‍ എന്നിവരുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.