മലപ്പുറം: കേരളാ വിദ്യാഭ്യാസ ചട്ടങ്ങള്‍ അനുസരിച്ചു പ്രവര്‍ത്തിക്കുന്ന എയ്ഡഡ് വിദ്യാലയങ്ങള്‍ നടത്തിക്കൊണ്ടുപോകാന്‍ സര്‍ക്കാര്‍ ഇനിയും അനുവദിക്കുന്നില്ലെങ്കില്‍ മാര്‍ച്ച് 31ന് എയ്ഡഡ് സ്‌കൂളുകള്‍ അടച്ചുപൂട്ടാന്‍ സര്‍ക്കാരിന് നോട്ടിസ് നല്‍കാന്‍ മലപ്പുറത്തു ചേര്‍ന്ന കേരളാ പ്രൈവറ്റ് (എയ്ഡഡ്) സ്‌കൂള്‍ മാനേജേഴ്‌സ് അസോസിയേഷന്‍ ജില്ലാ കമ്മിറ്റി തീരുമാനിച്ചു.
സംരക്ഷിത അധ്യാപകരുടെ പേരു പറഞ്ഞു മൂന്നു വര്‍ഷമായി നിയമപരമായി നിയമനം ലഭിച്ച അധ്യാപകരുടെ അംഗീകാരവും ശമ്പളവും നല്‍കുന്നില്ലെന്നും ഇതു പ്രതിഷേധാര്‍ഹമാണെന്നും യോഗം വിലയിരുത്തി. സംസ്ഥാന വര്‍ക്കിങ് സെക്രട്ടറി നാസര്‍ എടരിക്കോട്, ജില്ലാ പ്രസിഡന്റ് കെ.വി.കെ ഹാഷിം കോയ തങ്ങള്‍, ജില്ലാ ജനറല്‍ സെക്രട്ടറി സൈനുല്‍ ആബിദ് പട്ടര്‍കുളം, നാരായണന്‍ ചേലേമ്പ്ര, അസീസ് മാസ്റ്റര്‍ പന്തല്ലൂര്‍, സത്യന്‍ കോട്ടപ്പടി, കെ.ടി ചെറിയ മുഹമ്മദ്, ബിജു മേലാറ്റൂര്‍, അഹമ്മദ് കുട്ടി മമ്പാട്ടുമൂല സംസാരിച്ചു.