ബെയ്റൂത്ത് : സിറിയയിൽ വ്യോമാക്രമണ പരമ്പര നടത്തിയെന്ന് യുഎസ്. വെള്ളിയാഴ്ചയാണ് വ്യോമാക്രമണം നടത്തിയതെന്ന് യുഎസ് സെന്‍ട്രല്‍ കമാന്‍ഡ് അറിയിച്ചു. എന്നാല്‍ ഏതൊക്കെ മേഖലകളിലാണ് ആക്രമണം നടന്നതെന്ന് വ്യക്തമാക്കിയിട്ടില്ല. ഐഎസ് തീവ്രവാദികള്‍ക്കെതിരായ പോരാട്ടമെന്നാണ് യുഎസ് ഈ ആക്രമണത്തെ വിശദീകരിക്കുന്നത്. യുഎസ് പിന്തുണയുള്ള കുര്‍ദിഷ് നേതൃത്വത്തിലുള്ള സിറിയന്‍ ഡെമോക്രാറ്റിക് സേനയ്ക്കൊപ്പം കിഴക്കന്‍ സിറിയയില്‍ ഏകദേശം 900 യുഎസ് സൈനികരെ വിന്യസിച്ചിട്ടുണ്ട് .

യുഎസിനും സഖ്യകക്ഷികള്‍ക്കും സാധാരണക്കാര്‍ക്കുമെതിരെ പ്രദേശത്തുടനീളം  ആക്രമണങ്ങള്‍ നടത്തുന്ന ഐഎസിന്റെ കഴിവിനെ ഈ ആക്രമണങ്ങളോടെ ഇല്ലാതാക്കുമെന്ന് യുഎസ് സൈന്യം പറഞ്ഞു. ലെബനാനിൽ ഇസ്രാഈൽ അധിനിവേശം നടക്കുന്നതിനിടെ സിറിയയിലേക്കും ആക്രമണം നടത്തിയിരുന്നു. ഇറാൻ, ഇറാഖ് എന്നീ രാജ്യങ്ങളും ആക്രമണ ഭീതിയിലാണ്. അതിനിടെയാണ് അമേരിക്ക ഐഎസ് തീവ്രവാദികളുടെ പേരിൽ സിറിയയിൽ സൈനിക വിന്യാസം നടത്തിയിരിക്കുന്നത്. 

US airstrikes targeted multiple militant camps in Syria, aimed at dismantling ISIS operations. The strikes come amidst rising tensions in the region and the ongoing presence of US troops supporting local forces.