തിരൂര്‍: വിഭവങ്ങളൊരുക്കി കോളജ് വാര്‍ഷികാഘോഷത്തിന് വിദ്യാര്‍ഥികള്‍ മാറ്റുകൂട്ടി. പട്ടര്‍നടക്കാവ് ഖിദ്മത്ത് കോളജിലെ വിദ്യാര്‍ഥികളാണ് നാവില്‍ കൊതിയൂറും വിഭവങ്ങളൊരുക്കിയത്. 15 ക്ലാസുകളിലെ വിദ്യാര്‍ഥികള്‍ വിവിധ തരം തട്ടുകടയൊരുക്കിയാണ് വിഭവമൊരുക്കി പ്രദര്‍ശിപ്പിച്ചത്. ഭക്ഷ്യവിഭവ പ്രദര്‍ശനം കോളജ് ഗവേണിങ് ബോര്‍ഡ് ചെയര്‍മാന്‍ എം.പി മുഹമ്മദ് കോയ ഉദ്ഘാടനം ചെയ്തു. പ്രിന്‍സിപ്പല്‍ ഡോ.സിഎച്ച് മൊയ്തീന്‍കുട്ടി അധ്യക്ഷനായി. ഒറ്റയില്‍ മൊയ്തീന്‍, ടി.കെ സുഹൈല്‍, ജമീല അബ്ദുല്‍ ഗഫൂര്‍, ഉമ്മര്‍കുട്ടി, ടി.പി നാസര്‍, ടി.കെ ജലീല്‍, ജംഷീര്‍ കൈനിക്കര, വി.കെ അനീഷ്,കെ അജ്മല്‍, യാസിര്‍ അലി, താജുദ്ധീന്‍ പല്ലാര്‍ നേതൃത്വം നല്‍കി.