ജിദ്ദ: മൂല്യങ്ങളില്‍ മുറുകെ പിടിച്ചു ഐക്യത്തിന്റെയും മൈത്രിയുടെയും പരസ്പര്യങ്ങളില്‍നിന്നും ജീവിതവും സംസ്‌കാരവും രൂപപ്പെടുത്തണമെന്നും മര്‍കസിന്റെ ഭൗതിക വളര്‍ച്ചയുടെ അടിസ്ഥാനം പാരമ്പര്യ മൂല്യങ്ങളാണെന്നും എപി അബ്ദുല്‍ ഹകീം അസ്ഹരി അഭിപ്രായപ്പെട്ടു. മര്‍കസ് സമ്മേളന പ്രചരണാര്‍ത്ഥം ജിദ്ദയില്‍ സംഘടിപ്പിച്ച സാംസ്‌കാരിക സമ്മേളനത്തില്‍ സംസാരിക്കുകയാരുന്നു അദ്ദേഹം.

സൗദി ഗസറ്റ് എഡിറ്റര്‍ ഹസ്സന്‍ ചെറുപ്പ, സയ്യിദ് ഹബീബ് കോയ തങ്ങള്‍, എംസി അബ്ദുല്‍ ഗഫൂര്‍, നാസര്‍ വെളിയങ്കോട്, കെ.ടി.എ മുനീര്‍, റഷീദ് പന്തലൂര്‍,അഷ്‌റഫ് അഞ്ചാലന്‍, ബഷീര്‍ പറവൂര്‍ , യാസര്‍ അറഫാത്ത് തുടങ്ങിയവര്‍ സംസാരിച്ചു. അബ്ദുല്‍ നാസിര്‍ അന്‍വരി, യഹിയ ഖലീല്‍ നൂറാനി തുടങ്ങിയവര്‍ സംബന്ധിച്ചു. മുജീബ് ഏ ആര്‍ നഗര്‍ ആമുഖ പ്രഭാഷണം നടത്തി. ബഷീര്‍ എറണാംകുളം പരിപാടികള്‍ നിയന്ത്രിച്ചു.