കുറ്റ്യാടി: ചൂടേറിയ പഠനത്തിനിടെ നട്ടുനനച്ചുണ്ടാക്കിയ പച്ചക്കറിക്കൂട്ടാണ് ഇനി മുതല്‍ വേളം ഹയര്‍സെക്കന്‍ഡറി സ്‌കൂളിലെ ഉച്ചയൂണിനൊപ്പം. സ്‌കൂളിലെ സ്‌കൗട്ട്, ഗൈഡസ് വിദ്യാര്‍ഥികളുടെ നേതൃത്വത്തിലാണ് സ്‌കൂള്‍ വളപ്പില്‍ വിവിധ തരത്തിലുള്ള പച്ചക്കറി കൃഷി ചെയ്തത്. നൂറുമേനി വിളവുണ്ടായ കൃഷിയുടെ വിളവെടുപ്പ് പ്രിന്‍സിപ്പല്‍ കെ.ടി അബ്ദുല്ലത്തീഫ് നിര്‍വഹിച്ചു. സെന്‍മ മോഹന്‍, കെ. ബിനു, പി. ഷുഹൈബ്, വി. യാസിര്‍ വേളം, ആനിസ, പ്രണവ് സംസാരിച്ചു.