ഫുജൈറ: കോവിഡ് 19 നിയന്ത്രിക്കാനുള്ള തീവ്ര നടപടികള്‍ സ്വീകരിക്കുന്ന സാഹചര്യത്തില്‍ യു.എ.ഇ നാഷനല്‍ കെ.എം.സി.സിയുടെ മുഴുവന്‍ കമ്മിറ്റികളും കീഴ്ഘടകങ്ങളും എല്ലാ പരിപാടികളും നിര്‍ത്തിവെക്കണമെന്ന് ദേശീയ പ്രസിഡന്റ് പുത്തൂര്‍ റഹ്മാന്‍ അഭ്യര്‍ഥിച്ചു. അസുഖം വരാതെ നോക്കാനും പകരുന്നത് ഒഴിവാക്കാനുമുള്ള ഏറ്റവും നല്ല മാര്‍ഗം പൊതു ഇടങ്ങളിലെ സമ്പര്‍ക്കം ഒഴിവാക്കുന്നതാണ്. അതുകൊണ്ട് പൊതുപരിപാടികളെല്ലാം പൂര്‍ണമായും ഒഴിവാക്കണം.

വിവിധ എമിറേറ്റുകളിലെ ഭാരവാഹികള്‍ക്കും പ്രവര്‍ത്തകര്‍ക്കും ഇതു സംബന്ധിച്ച നിര്‍ദ്ദേശം നല്‍കിയിട്ടുണ്ട്.യോഗങ്ങള്‍, സംഗമങ്ങള്‍, കൂട്ടുപ്രാര്‍ഥനകള്‍, മറ്റു ചടങ്ങുകള്‍ തുടങ്ങി ആളുകള്‍ കൂടുന്ന എല്ലാ പരിപാടികളും ഇനിയൊരു അറിയിപ്പ് ഉണ്ടാവുന്നതുവരെ നിര്‍ത്തിവെക്കണമെന്ന് യു.എ.ഇ നാഷനല്‍ കെ.എം.സി.സിയുടെ പത്രക്കുറിപ്പില്‍ അഭ്യര്‍ത്ഥിച്ചു.