ന്യൂഡല്‍ഹി: കൊറോണ സംശയത്തില്‍ ക്വാറന്റീനില്‍ (ഏകാന്തവാസം) കഴിയുന്നവര്‍ക്ക് 'ആശ്വാസ'ത്തിനായി പ്രധാനമന്ത്രി നരേന്ദ്ര മോദിയുടെ പ്രസംഗങ്ങള്‍ നല്‍കും. മോദിയുടെ പ്രസംഗങ്ങളുടെ സമാഹാരമാണ് പുസ്തകത്തിന്റെ രൂപത്തില്‍ നല്‍കുക.

'പ്രധാനമന്ത്രിയുടെ പ്രസംഗങ്ങളുടെ പകര്‍പ്പ് അതിഥികള്‍ക്കും സ്‌കൂളുകള്‍ക്കും കോളജുകള്‍ക്കും പല അവസരങ്ങളിലും നല്‍കാറുണ്ട്. ഇത്തരം പുസ്തകങ്ങളാണ് സര്‍ക്കാരിന്റെ ക്വാറന്റീനില്‍ കഴിയുന്നവര്‍ക്ക് നല്‍കുക'- സര്‍ക്കാര്‍ ഉദ്യോഗസ്ഥനെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

കൊറോണ ബാധിത രാജ്യങ്ങളില്‍ നിന്ന് വന്നവരോ, കൊറോണ ബാധിതരുമായി ഇടപെട്ടവരെയോ ആണ് 14 ദിവസത്തേക്ക് ക്വാറന്റീനില്‍ പാര്‍പ്പിക്കുന്നത്.