മനാമ: ബഹ്‌റൈനിലെ കേരള സോഷ്യല്‍ ആന്റ് കള്‍ച്ചറല്‍ അസോസിയേഷന്‍ (എന്‍.എസ്.എസ്) ഈ വര്‍ഷം നല്‍കുന്ന മന്നം അവാര്‍ഡ് എസ്.രമേശന്‍ നായര്‍, നടന്‍ ജഗദീഷ് (സ്റ്റാര്‍ ഐക്കണ്‍ അവാര്‍ഡ്), കെ.ജി.ബാബുരാജ് (പ്രവാസി രത്‌ന അവാര്‍ഡ്) എന്നിവര്‍ക്ക് നല്‍കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

അനില്‍ കുമാര്‍ ചെയര്‍മാനും ദേവദാസ് നമ്പ്യാര്‍, പ്രവീണ്‍ നായര്‍, ശിവകുമാര്‍, അജയ് പി. നായര്‍ എന്നിവരടങ്ങുന്ന അഞ്ചംഗകമ്മിറ്റിയാണ് ഈ വര്‍ഷത്തെ മന്നം അവാര്‍ഡ് ജേതാവിനെ തെരഞ്ഞെടുത്തത്.

അവാര്‍ഡ് സമര്‍പ്പണവും മന്നം ജയന്തി ആഘോഷവും ഫെബ്രുവരി എട്ടിന് ഈസാ ടൗണ്‍ ജഷന്‍മാള്‍ ഓഡിറ്റോറിയത്തില്‍ നടക്കും. സുരേഷ് ഗോപി എം.പി മുഖ്യ അതിഥിയാകുന്ന ചടങ്ങില്‍ നടന്‍ ജഗദീഷും പങ്കെടുക്കും. തുടര്‍ന്ന് നടക്കുന്ന കലാപരിപാടികളില്‍ ഗായകന്‍ ശ്രീനാഥ്, ജാനകി നായര്‍, സുനീഷ് വരനാട് എന്നിവര്‍ പങ്കെടുക്കുമെന്നും സംഘാടകര്‍ വാര്‍ത്ത സമ്മേളനത്തില്‍ അറിയിച്ചു.

പ്രസിഡന്റ് ഇ.പമ്പാവാസന്‍ നായര്‍, സന്തോഷ് കുമാര്‍,ജയകുമാര്‍,പ്രവീണ്‍നായര്‍,അനില്‍ കുമാര്‍, ഹരിദാസ് നായര്‍, അജയകുമാര്‍, അഭിലാഷ് പിള്ള, ജ്യോതി മേനോന്‍, ജയന്‍ എസ്. നായര്‍ എന്നിവര്‍ പത്രസമ്മേളനത്തില്‍ പങ്കെടുത്തു.