ന്യൂഡല്‍ഹി: കൊറോണ വ്യപാനത്തെ തുടര്‍ന്ന് കടുത്ത പ്രതിസന്ധിയിലായി വ്യോമയാന മേഖല. ഇതു മറികടക്കാന്‍ ഭൂരിഭാഗം അന്താരാഷ്ട്ര സര്‍വീസുകള്‍ റദ്ദ് ചെയ്തിരിക്കുകയാണ് സ്‌പൈസ് ജെറ്റ്.

അതേസമയം, സി.ഇ.ഒ അടക്കം മുതിര്‍ന്ന ജീവനക്കാരുടെ ശമ്പളം കട്ട് ചെയ്താണ് ഇന്‍ഡിഗോയുടെ നടപടി. ശമ്പളത്തില്‍ നിന്ന് 25 ശതമാനമാണ് പിടിക്കുന്നത്.

പണമൊഴുക്ക് കുറഞ്ഞുവെന്നും ഇതല്ലാതെ വേറെ മാര്‍ഗമില്ലെന്നും ജീവനക്കാര്‍ക്ക് അയച്ച മെയിലില്‍ ഇന്‍ഡിഗോ സി.ഇ.ഒ റോണോജോയ് ദുട്ട പറഞ്ഞു. ഏപ്രില്‍ 1 മുതലുള്ള ശമ്പളത്തില്‍ നിന്നാണ് നിശ്ചിത ശതമാനം കട്ട് ചെയ്യുക.

മാര്‍ച്ച് 21 മുതല്‍ ഏപ്രില്‍ 30 വരെയുള്ളയുള്ള അന്താരാഷ്ട്ര സര്‍വീസുകള്‍ നിര്‍ത്തിവയ്ക്കാന്‍ നിര്‍ബന്ധിതരായിരിക്കുകയാണെന്ന് സ്‌പൈസ് ജെറ്റ് അറിയിച്ചു. സാഹചര്യം സാധാരണനിലയിലായാല്‍ സര്‍വീസ് തുടരുമെന്നും സ്‌പൈസ് ജെറ്റ് പറഞ്ഞു.