തിരുവനന്തപുരം: നിയമസഭ സമ്മേളനത്തില്‍ പങ്കെടുക്കുന്നില്ലെന്നും സ്പീക്കര്‍ക്ക് സീറ്റ് സംബന്ധിച്ച് കത്ത് നല്‍കിയിട്ടുണ്ടെന്നും പി.വി അന്‍വര്‍ എം.എല്‍.എ. ഇപ്പോള്‍ അനുവദിച്ച സീറ്റില്‍ ഇരിക്കില്ല. സ്വതന്ത്ര ബ്ലോക്ക് വേണം. പ്രതിപക്ഷത്തിനരികില്‍നിന്ന് ഇരിപ്പിടം മാറ്റിനല്‍കിയില്ലെങ്കില്‍ തറയിലിരിക്കും. സ്പീക്കര്‍ ഇന്നും തീരുമാനമെടുത്തില്ലെങ്കില്‍ നാളെ സഭയില്‍ പങ്കെടുക്കുമെന്നും അന്‍വര്‍ പറഞ്ഞു.

ജീവനുണ്ടെങ്കില്‍ നാളെ സഭയില്‍ പോവും. പ്രതിപക്ഷ നിരയിലേക്ക് താനില്ല. സ്വതന്ത്ര്യ ബ്ലോക്ക് വേണമെന്നതാണ് ആവശ്യം. തുടര്‍നടപടി പരിശോധിച്ച ശേഷം മറ്റ് ദിവസത്തെ കാര്യം നോക്കുമെന്നും അന്‍വര്‍ പറഞ്ഞു.