തിരുവനന്തപുരം: കേന്ദ്ര,കേരള സര്‍ക്കാരുകളുടെ കൊവിഡ് പ്രതിരോധ മാര്‍ഗനിര്‍ദ്ദേശങ്ങള്‍ അവഗണിച്ച് സംസ്ഥാനത്ത് കള്ള് ഷാപ്പ് ലേലം ചെയ്യുന്നതിനെതിരെ യൂത്ത് കോണ്‍ഗ്രസ് പ്രവര്‍ത്തകരുടെ പ്രതിഷേധം.

കാസര്‍കോട്, കോട്ടയം, കോഴിക്കോട്, കൊല്ലം എന്നിവിടങ്ങളില്‍ നിര്‍ദ്ദേശം ലംഘിച്ച് ലേലനടപടികള്‍ പുരോഗമിച്ചതോടെയാണ് യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധവുമായി എത്തിയത്. ഇതിനിടെ പ്രതിഷേധം പലയിടത്തും സംഘര്‍ഷത്തിലേക്ക് വഴിമാറുകയായിരുന്നു. ഇതോടെ പൊലിസ് പ്രതിഷേധക്കാര്‍ക്ക് നേരെ ലാത്തി വീശി.

അതേസമയം, ലേല നടപടികള്‍ നിര്‍ത്തിവെക്കില്ലെന്ന നിലപാടിലാണ് എക്‌സൈസ് വകുപ്പ് അധികൃതര്‍. നിര്‍ദ്ദേശങ്ങള്‍ പാലിച്ചാണ് ലേലം നടത്തുന്നതെന്നാണ് വിശദീകരണം.