വാടാനപ്പള്ളി: ദേശീയപാത 56 തളിക്കുളം പെട്രോള്‍ പമ്പിനു സമീപം രാത്രിയില്‍ കാറുകള്‍ കൂട്ടിയിടിച്ച് അഞ്ചു പേര്‍ക്കു പരുക്കേറ്റു. നാട്ടിക കാവുങ്ങല്‍ ആഷിക്ക് (21), നാട്ടിക കണ്ണപുറം ഹാരിസ് (24), വാടാനപ്പള്ളി വലിയകത്ത് സിദ്ദീഖ് (29), ഏങ്ങണ്ടിയൂര്‍ ചക്കാലക്കല്‍ ത്വംഫീര്‍ (20), അഴീക്കോട് നെടുപറമ്പില്‍ അമ്പാടി (24) എന്നിവര്‍ക്കാണ് പരുക്കേറ്റത്.
ഇവരെ തൃപ്രയാര്‍ ആക്ട്‌സ് പ്രവര്‍ത്തകര്‍ തൃശൂര്‍ വെസ്റ്റ് ഫോര്‍ട്ട് ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാത്രി ഒന്നോടെയായിരുന്നു അപകടം. ഒരു കാറിന്റെ ഡ്രൈവര്‍ ഉറങ്ങിയതാണു അപകടത്തിനു കാരണമെന്നാണു നിഗമനം. കൂട്ടിയിടിയില്‍ ഇരു കാറിന്റേയും മുന്‍ഭാഗം തകര്‍ന്നു. രണ്ടു കാറിലേയും യാത്രക്കാര്‍ക്ക് പരുക്കേറ്റു.  മൂന്നാളുടെ പരുക്ക് സാരമുള്ളതാണ്.