മദീന: മദീനയിലുണ്ടായ അപകടത്തില്‍ കുട്ടികളടക്കം 9 പേര്‍ മരിച്ചു. വെള്ളിയാഴ്ച പുലര്‍ച്ചെ രണ്ടു വാഹനങ്ങള്‍ തമ്മില്‍ കൂട്ടിയിടിച്ചാണ് അപകടം ഉണ്ടായതെന്നു റിയാദ് റെഡ് ക്രസന്റ് അതോറിറ്റി വ്യക്തമാക്കി . പുലര്‍ച്ചെ തങ്ങള്‍ക്ക് ടോള്‍ ഫ്രീ നമ്പറായ 997 ലൂടെയാണ് അപകടവിവരം ലഭിച്ചത്. ഉടന്‍തന്നെ വൈദ്യ സഹായവുമായി മൂന്നു ആംബുലന്‍സുകള്‍ സംഭവസ്ഥലത്തേക്ക് അയച്ചതായും റെഡ്ക്രസന്റ് വക്താവ് ഖാലിദ് അല്‍ സഹ്ല്‍ വ്യക്തമാക്കി. മരിച്ചവരില്‍ ഭൂരിഭാഗവും കുട്ടികളാണ്. മൃതദേഹങ്ങള്‍ അടുത്തുള്ള ആശുപത്രിയിലെ മോര്‍ച്ചറിയിലേക്ക് മാറ്റിയതായും പരുക്കേറ്റ മൂന്നുപേരെ ഹനകിയ ആശുപത്രിയിലേക്ക് മാറ്റിയതായും ഇവര്‍ അറിയിച്ചു.