കാസര്‍കോട്: കെ.എന്‍.എല്‍ തുരുത്തി ശാഖാ കമ്മിറ്റിയും ഐ.എം.സി.സി ദുബൈ കമ്മിറ്റിയും സംഘടിപ്പിക്കുന്ന ഐ.എന്‍.എല്‍ സംസ്ഥാന നേതാക്കള്‍ക്കുള്ള സ്വീകരണവും ബൈത്തുന്നൂര്‍ താക്കോല്‍ദാനവും 10ന് വൈകുന്നേരം മൂന്നിന് അണങ്കൂരില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
      ഐ.എന്‍.എല്‍ അഖിലേന്ത്യാ സെക്രട്ടറി അഹ്മദ് ദേവര്‍ കോവില്‍ ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ ഹനീഫ് തുരുത്തി അധ്യക്ഷനാവും. ബൈത്തുന്നൂര്‍ താക്കോല്‍ദാനം സംസ്ഥാന ന്യൂനപക്ഷ ധനകാര്യ കോര്‍പറേഷന്‍ ചെയര്‍മാന്‍ പ്രൊഫസര്‍ എ.പി അബ്ദുല്‍ വഹാബ് നിര്‍വഹിക്കും. വാര്‍ത്താ സമ്മേളനത്തില്‍ അസീസ് കടപ്പുറം, മുനീര്‍ കണ്ടോളം,ഖാദര്‍ ആലംപാടി, അനീഫ് തുരുത്തി. അഷ്‌റഫ് തുരുത്തി സംബന്ധിച്ചു.