കാഞ്ഞങ്ങാട്: ഹൊസ്ദുര്‍ഗ് ബാര്‍  അസോസിയേഷന്‍ നേതൃത്വത്തില്‍ സംഘടിക്കുന്ന പ്രമുഖ ക്രിമിനല്‍ അഭിഭാഷകനും ഹൊസ്ദുര്‍ഗ്  ബാര്‍ അസോസിയേഷന്‍ മുന്‍ പ്രസിഡന്റുമായ അഡ്വ.സി.കെ ശ്രീധരന്റെ അഭിഭാഷക വൃത്തിയുടെ സുവര്‍ണ ജൂബിലി ആഘോഷം 11ന് രാവിലെ 10 ന്  ആകാശ് കണ്‍വന്‍ഷന്‍ സെന്ററില്‍ ഹൈക്കോടതി ജഡ്ജ് പി.എന്‍ രവീന്ദ്രന്‍ ഉദ്ഘാടനം ചെയ്യുമെന്നു ഭാരവാഹികളായ അഡ്വ.പി അപ്പുക്കുട്ടന്‍, പി.കെ ചന്ദ്രശേഖരന്‍, അഡ്വ.ടി.കെ സുധാകരന്‍, അഡ്വ.സി ഷുക്കൂര്‍, കെ ബാബുരാജ്, കെ മനോജ് കുമാര്‍, എന്‍ രാജ്‌മോഹന്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു. 2.30നു നടക്കുന്ന സൗഹൃദ് സംഗമം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. എന്‍ഡോവ്‌മെന്റിന്റെ ഉദ്ഘാടനം സി.പി.എംസംസ്ഥാന സെക്രട്ടറി കൊടിയേരി ബാലകൃഷ്ണന്‍ നിര്‍വഹിക്കും. ആദരിക്കല്‍ ചടങ്ങ് മുസ്‌ലിം ലീഗ് ദേശീയ ജന.സെക്രട്ടറി പി.കെ കുഞ്ഞാലിക്കുട്ടി നിര്‍വഹിക്കും.