തൃക്കരിപ്പൂര്‍: സമസ്ത കേരള ഇസ്മത വിദ്യാഭ്യാസ ബോര്‍ഡ് നടപ്പാക്കിയ മദ്‌റസാ സമ്പ്രദായം ലോകത്തിനു മാതൃകയാണെന്നു സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് ത്വാഖാ അഹ്മദ് മുസ്‌ലിയാര്‍ അഭിപ്രായപ്പെട്ടു. തൃക്കരിപ്പൂര്‍ റെയിഞ്ച് ജംഇയ്യത്തുല്‍ മുഅല്ലിമീന്‍, മദ്‌റസ മാനേജ്‌മെന്റ് അസോസിയേഷന്‍, സുന്നി മഹല്ല് ഫെഡറേഷന്‍ മണ്ഡലം കമ്മിറ്റി സംയുക്തമായി ഇളമ്പച്ചി ഫായിക്ക ഇന്റോര്‍ അക്കാദമി കണ്‍വന്‍ഷന്‍ സെന്ററില്‍ സംഘടിപ്പിച്ച സുവനീര്‍ പ്രകാശനവും ഖുത്തുബാഅ് മണ്ഡലം കമ്മിറ്റി രൂപീകരണവും ഉദ്ഘാടനം ചെയ്യുകയായിരുന്നു അദ്ദേഹം.
സയ്യിദ് ശഫീഖ് തങ്ങള്‍ പ്രാര്‍ഥന നടത്തി. എസ്.എം.എഫ് ജില്ലാ പ്രസിഡന്റ് സയ്യിദ് ടി.കെ പൂക്കോയതങ്ങള്‍ അധ്യക്ഷനായി. തദ്‌രീബ് സംസ്ഥാന കോര്‍ഡിനേറ്റര്‍ എസ്.വി മുഹമ്മദലി, മുഖ്യപ്രഭാഷണം നടത്തി. കെ.ടി  അബ്ദുല്ല ഫൈസി, ചുഴലി മുഹ്‌യദ്ദീന്‍ മൗലവി, സാജിഹുശമീര്‍ അസ്ഹരി, സിറാജുദ്ദീന്‍ ദാരിമി കക്കാട്, താജുദ്ദീന്‍ ദാരിമി പടന്ന, എം.എ.സി കുഞ്ഞബ്ദുല്ല ഹാജി, ഹാരിസ് ഹസനി, കെ.എം ശംസുദ്ദീന്‍ ഹാജി, കെ.പി അഷ്‌റഫ് മുന്‍ഷി, ഇസ്മയില്‍ മാസ്റ്റര്‍ കക്കുന്നം, യു.പി.സി അഹമ്മദ് ഹാജി, ആഷിഖ് നിസാമി, എന്‍.പി സൈനുദ്ദീന്‍, അബ്ദുസലാം മാസ്റ്റര്‍ ചന്തേര, അമീന്‍ കൂലേരി, സി.ടി അബ്ദുല്‍ ഖാദിര്‍ ഹാജി സംസാരിച്ചു.