കായംകുളം: തീവണ്ടി യാത്രയ്ക്കിടെയുണ്ടായ കല്ലേറില്‍ പരുക്കേറ്റു. പെരിങ്ങാല പണിക്കവീട്ടില്‍ സന്തോഷ്‌കുമാറിന് (62) ആണ് പരുക്കേറ്റത്. തിരുവനന്തപുരം-ചെന്നൈ എക്‌സ്പ്രസിന് നേരെ കൊല്ലം-പെരുമണ്‍ ഭാഗത്ത് വച്ചാണ് കല്ലേറുണ്ടായത്. ബുധനാഴ്ച വൈകീട്ട് നാല് മണിയോടെയായിരുന്നു സംഭവം. ഭാര്യ കൃഷ്ണകുമാരിയുമായി തിരുവനന്തപുരം ആര്‍.സി.സിയില്‍ പോയി മടങ്ങുകയായിരുന്നു.

ജനാല ഭാഗത്ത് ഇരുന്ന സന്തോഷിന്റെ ഇടതു കൈക്കാണ് പരുക്കേറ്റത്. റെയില്‍വേ പൊലിസ് എത്തി കായംകുളം ഗവ. ആശുപത്രിയില്‍ പ്രവേശിപ്പിച്ചു. കൊല്ലം വിട്ട ശേഷം കായംകുളത്താണ് സ്റ്റോപ്പുള്ളത്. അതിനാലാണ് പരാതി കായംകുളത്ത് നല്‍കാന്‍ കാരണമായത്.