പരപ്പ: മലയോര മേഖലയില്‍ ഫുട്‌ബോള്‍ താരങ്ങളെ വളര്‍ത്താനായി ടി4 തുമ്പ നടത്തുന്ന അവധിക്കാല ഫുട്‌ബോള്‍ പരിശീലനത്തിന് തുടക്കം. പരപ്പ ഗവ. ഹയര്‍ സെക്കന്‍ഡറി സ്‌കൂള്‍ മൈതാനിയില്‍ പരിശീലന ക്യാംപ് നടക്കുന്നത്. 25 കുട്ടികളാണ് ക്യാംപിലുള്ളത്. കായികക്ഷമത, ബോള്‍ കണ്‍ട്രോള്‍, പാസിങ്, ഷൂങ്ങ്, ഗോള്‍ കീപ്പിങ് എന്നിവയിലാണ് പരിശീലനം നല്‍കുന്നത്.
ഒരുമാസം നീണ്ടുനില്‍ക്കുന്ന ക്യാംപില്‍ രാവിലെ ആറുമുതല്‍ എട്ടുവരെയാണ് പരിശീലനം നല്‍കുന്നത്. മുന്‍ കണ്ണൂര്‍ സര്‍വകലാശാലാ ക്യാപ്റ്റനും മഹാരാഷ്ട്ര നാവാപൂരിലെ ഡി.ജി.എ.എം പബ്ലിക് സ്‌കൂളിലെ കായികാധ്യാപകനുമായ ബാബു പരപ്പയാണ് പരിശീലകന്‍.