കോട്ടയം: ഓഗസ്റ്റ് 2016 മുതല്‍ ഫെബ്രുവരി 2017 വരെയുള്ള ഏഴ് മാസത്തെ തൊഴില്‍ രഹിതവേതനത്തിനുള്ള അലോട്ട്‌മെന്റ് കോട്ടയം ജില്ലയിലെ എല്ലാ മുനിസിപ്പാലിറ്റികള്‍ക്കും ഗ്രാമപഞ്ചായത്തുകള്‍ക്കും ധനകാര്യ വകുപ്പില്‍ നിന്ന് ഓണ്‍ലൈനായി അനുവദിച്ചിട്ടുണ്ട്. ഇത് സംബന്ധിച്ച ജില്ലാ എംപ്ലോയ്‌മെന്റ് ഓഫിസറുടെ ഉത്തരവ് എല്ലാ തദ്ദേശ സ്വയംഭരണ സ്ഥാപനങ്ങള്‍ക്കും ഇ-മയില്‍ മുഖേന നല്‍കിയിട്ടുണ്ട്.
തദ്ദേശ സ്വയംഭരണ സ്ഥാപനങ്ങള്‍ തുക വിതരണം ചെയ്യാന്‍ അടിയന്തര നടപടി സ്വീകരിക്കേണ്ടതും വിതരണം പൂര്‍ത്തിയാക്കി മാര്‍ച്ച് 20 നകം വിനിയോഗ സാക്ഷ്യപത്രം കോട്ടയം ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ ലഭ്യമാക്കേണ്ടതുമാണെന്ന് ജില്ലാ എംപ്ലോയ്‌മെന്റ് ഓഫിസര്‍ അറിയിച്ചു.