എരുമപ്പെട്ടി: സമ്പൂര്‍ണ്ണ ഗ്യാസ് കണക്ഷനുമായി എരുമപ്പെട്ടി ഗ്രാമ പഞ്ചായത്തിലെ അങ്കണവാടികള്‍.
പഞ്ചായത്തിലെ മുഴുവന്‍ അങ്കണവാടികളിലേക്കും  പഞ്ചായത്ത് വികസന ഫണ്ടുപയോഗിച്ച് ഗ്യാസ് കണക്ഷന്‍ നല്‍കിയാണ് ദീര്‍ഘ നാളത്തെ അംഗനവാടികളുടെ സ്വപ്നം സാക്ഷാത്ക്കരിച്ചത്. ഒരുലക്ഷം രൂപ ചെലവഴിച്ചാണ് 22 അംഗനവാടികളിലേക്ക് ഗ്യാസ് കണക്ഷന്‍ നല്‍കിയത്.
ഗ്രാമപഞ്ചായത്ത് പ്രസിഡന്റ് മീന ശലമോന്‍ ഉദ്ഘാടന ം നിര്‍വ്വഹിച്ചു.വൈസ് പ്രസിഡന്റ് കെ.ഗോവിന്ദന്‍കുട്ടി അധ്യക്ഷനായി. ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍ എന്‍.കെ.കബീര്‍, പഞ്ചായത്തംഗങ്ങളായ റോസിപോള്‍,സി.വി.ജെയ്‌സണ്‍,ഷീബ രാധാകൃഷ്ണന്‍,സി.എ ജോസഫ്, ഐ.സി.ഡി.എസ് സൂപ്പര്‍വൈസര്‍ രതി.ആര്‍ മേനോന്‍ തുടങ്ങിയവര്‍ സംസാരിച്ചു.