റിയാദ്: സഊദി ജീവകാരുണ്യ പ്രവര്‍ത്തനങ്ങള്‍ക്കായി ആരംഭിച്ച ദേശീയ പ്ലാറ്റ്‌ഫോമായ 'ഇഹ്‌സാന്‍' 850 കോടി റിയാല്‍ സമാഹരിച്ചു. 2021ല്‍ പ്ലാറ്റ്‌ഫോം ആരംഭിച്ചതിന് ശേഷമുള്ള സംഭാവനകളുടെ കണക്കാണിത്. ദാതാക്കളുടെ എണ്ണം 1.67 കോടിയായി.

പങ്കാളികളായ സിവില്‍ സൊസൈറ്റി സംഘടനകളുടെ എണ്ണം 2121 ആണ്. കഴിഞ്ഞ വര്‍ഷത്തെ അപേക്ഷിച്ച് സംഭാവനകളുടെ തോതിലുണ്ടായ വര്‍ധന നിരക്ക് സെക്കന്‍ഡില്‍ മൂന്ന് സംഭാവനകള്‍ എന്ന നിരക്കില്‍ 41 ശതമാനം ആയി ഉയര്‍ന്നു. അറഫ ദിനത്തിലാണ് 2024 ലെ ഏറ്റവും ഉയര്‍ന്ന സംഭാവനകളുടെ പ്രവാഹമുണ്ടായത്, 1791349 ആയിരുന്നു അന്നത്തെ സംഭാവനകള്‍.

സഊദിയിലെ ആദ്യത്തെ വഖഫ് ആശുപത്രിയായ അല്‍സലാം എന്‍ഡോവ്‌മെന്റ് പദ്ധതി ആണ് 2024ല്‍ പ്ലാറ്റ്‌ഫോമിന്റെ ഏറ്റവും പുതിയ പ്രോഗ്രാമുകളില്‍ ശ്രദ്ധേയമായത്. അല്‍ സലാം ആശുപത്രി സ്ഥിതിചെയ്യുന്നത് മദീന മസ്ജിദുന്നബവിയുടെ പടിഞ്ഞാറ് മുറ്റത്തിനോട് ചേര്‍ന്നുള്ള തന്ത്രപ്രധാനവും സുപ്രധാനവുമായ സ്ഥലത്താണ്. സന്ദര്‍ശകര്‍ക്ക് ആവശ്യമായ ആരോഗ്യ സംരക്ഷണങ്ങള്‍ നല്‍കുന്നതില്‍ അല്‍സലാം ആശുപത്രി ശ്രദ്ധ ചെലുത്തുന്നു. പ്രതിവര്‍ഷം 10 ലക്ഷത്തിലധികം സന്ദര്‍ശകര്‍ക്കും ആഴ്ചയില്‍ 4000 എമര്‍ജന്‍സി കേസുകള്‍ക്കും പ്രതിവാരം 300 തീവ്രപരിചരണ കേസുകള്‍ക്കും പ്രതിവാരം 400 ഡയാലിസിസിനും ആശുപത്രി സേവനം നല്‍കുന്നു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Ihsan platform in Saudi Arabia has successfully raised 850 crore riyals for charitable causes, demonstrating the nation's commitment to generosity and kindness. This remarkable feat highlights the impact of collective efforts in making a difference in the lives of those in need.