ന്യൂഡല്‍ഹി: മത്സ്യത്തൊഴിലാളികള്‍ക്കുനേരെ അയല്‍ രാജ്യങ്ങളില്‍ നിന്ന് നിരന്തരം നടക്കുന്ന ആക്രമങ്ങളില്‍ സര്‍ക്കാര്‍ നോക്കുകുത്തിയാകുന്നുവെന്ന് ശശി തരൂര്‍ എം.പി.
രാമേശ്വരത്ത് മത്സ്യബന്ധനത്തിലേര്‍പ്പെട്ട തൊഴിലാളികളെ ശ്രീലങ്കന്‍ സേന വെടിവച്ചുകൊന്നതടക്കമുള്ള വിഷയങ്ങള്‍ ചൂണ്ടിക്കാട്ടിയാണ് ശശി തരൂരിന്റെ ആരോപണം. ഇതേപോലെ ഗുജറാത്തിലെ ഒട്ടേറെ മത്സ്യതൊഴിലാളികളെ അതിര്‍ത്തി ലംഘനത്തിന്റെ പേരില്‍ പാക്കിസ്ഥാന്‍ ജയിലിലടച്ചു.
കോവളത്തും ഇതിന് സമാനമായ രീതിയില്‍ അറസ്റ്റ് നടന്നു. ഇത്തരം സംഭവങ്ങള്‍ ആവര്‍ത്തിക്കപ്പെടുമ്പോഴും മത്സ്യത്തൊഴിലാളികള്‍ക്ക് സഹായമെത്തിക്കാന്‍ സര്‍ക്കാര്‍ തയാറാകുന്നില്ലെന്ന് അദേഹം ആരോപിച്ചു.