ശ്രീകണ്ഠപുരം: മലപ്പട്ടം തൈക്കണ്ടി പുഴയോരത്ത് മണല്‍ മാഫിയ സംഘം സംഭരിച്ച 300 അടി മണല്‍ റവന്യൂ അധികൃതര്‍ പിടികൂടി. ആരെയും പിടികൂടാന്‍ കഴിഞ്ഞില്ല. ഇന്നലെ പുലര്‍ച്ചെ വില്ലേജ് അധികൃതര്‍ റെയ്ഡു നടത്തിയാണ് ചാക്കുകളില്‍ സൂക്ഷച്ച നിലയില്‍ മണല്‍ കണ്ടെത്തിയത്. മണല്‍ വാരല്‍ വ്യാപകമായ ഇവിടെ പൊലിസ് തിരിഞ്ഞുനോക്കാത്തതിനെ തുടര്‍ന്ന് നാട്ടുകാര്‍ റവന്യൂ അധികൃതര്‍ക്ക് പരാതി നല്‍കുകയായിരുന്നു.