പൂക്കോട്ടുംപാടം: അമരമ്പലം ഗ്രാമപഞ്ചായത്തിലെ 2016, 2017 വാര്‍ഷിക പദ്ധതിയില്‍ ഉള്‍പ്പെടുത്തി പട്ടികവര്‍ഗ വനിതകള്‍ക്ക്  ആടുകളെ വിതരണം ചെയ്തു.  മൃഗസംരക്ഷണ വകുപ്പുമായി സഹകരിച്ചാണ് ആടു വിതരണ പദ്ധതി നടപ്പിലാക്കിയത്.
പദ്ധതി പ്രകാരം ഒരാള്‍ക്ക് അഞ്ചു വീതം ആടുകളെയാണ് നല്‍കിയത്. ഇതിനായി 5000 രൂപ ഗുണഭോക്തൃ വിഹിതമായി അടക്കണം. 20,000 രൂപ ചെലവ് പ്രതീക്ഷിക്കുന്ന  പദ്ധതിയില്‍ 15,000 രൂപ സബ്‌സിഡിയായും ലഭിക്കും. ആടുകളെ വിതരണം ചെയ്യുന്ന  മുറക്ക് ടെറ്റനസ്സ്, ആട് വസന്ത, എന്നിവക്കുള്ള പ്രതിരോധ കുത്തിവയ്പ്പും വിരക്കെതിരായുള്ള ഗുളികകളും പൂക്കോട്ടുംപാടം  മൃഗാശുപത്രിയില്‍ നിന്നും  വിതരണം ചെയ്യും.
കൂടാതെ പ്രീമിയം അടച്ച് ആടുകളെ ഇന്‍ഷൂറന്‍സ് ചെയ്യന്നതിനും സൗകര്യമൊരുക്കിയിട്ടുണ്ട്.ഗ്രാമപഞ്ചായത്ത് പ്രസിഡന്റ് സി സുജാത പദ്ധതി ഉദ്ഘാടനം ചെയ്തു. വൈസ് പ്രസിഡന്റ് നോര്‍ത്ത് മുഹമ്മദ് അധ്യക്ഷനായി.