തൊടുപുഴ: മാധ്യമങ്ങള്‍ സാമൂഹിക പ്രതിബദ്ധത കാത്തുസൂക്ഷിക്കണമെന്ന് പി.ജെ ജോസഫ് എം.എല്‍എ. നവീകരിച്ച സുപ്രഭാതം ഇടുക്കി ജില്ലാ ബ്യൂറോ തൊടുപുഴയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എല്ലാ രംഗത്തുമുള്ളതുപോലെ മാധ്യമ മേഖലയിലും മൂല്യച്ഛുതി സംഭവിച്ചുകൊണ്ടിരിക്കുകയാണ്. മാധ്യമ പ്രവര്‍ത്തകര്‍ കൂടുതല്‍ ജാഗരൂകരാവേണ്ടതുണ്ടെന്നും അദ്ദേഹം ഓര്‍മിപ്പിച്ചു.
പ്രസ് ക്ലബ് ഹാളില്‍ നടന്ന ചടങ്ങില്‍ സുപ്രഭാതം ഡെപ്യൂട്ടി സി.ഇ.ഒ ഐ.എം അബ്ദുറഹ്മാന്‍ അധ്യക്ഷത വഹിച്ചു.
തൊടുപുഴ നഗരസഭാ വൈസ് ചെയര്‍മാന്‍ ടി.കെ സുധാകരന്‍ നായര്‍, പ്രസ് ക്ലബ്ബ് പ്രസിഡന്റ് അഷ്‌റഫ് വട്ടപ്പാറ, മര്‍ച്ചന്റ്‌സ് അസോസിയേഷന്‍ ജനറല്‍ സെക്രട്ടറി പി. അജീവ്, സുപ്രഭാതം കൊച്ചി യൂനിറ്റ് റസിഡന്റ് മാനേജര്‍ പി.കെ അബ്ദുല്‍ മജീദ് എന്നിവര്‍ ആശംസകള്‍ അര്‍പ്പിച്ചു.
പ്രസ് ക്ലബ്ബ് സെക്രട്ടറി എം.എന്‍ സുരേഷ്, അബ്ദുല്‍ കബീര്‍ റഷാദി, സ്വാലിഹ് അന്‍വരി, കെ.എച്ച് അബ്ദുല്‍ കരീം മൗലവി, ഹനീഫ് കാശിഫി, അബ്ദുറഹ്മാന്‍ പുഴക്കര, എം.എം ഫത്തഹുദ്ദീന്‍, പരീത് ഹാജി കക്കാട്, അഡ്വ. സി.കെ ജാഫര്‍, കെ.എച്ച് അബ്ദുല്‍ മജീദ്, കെ.എസ് ഹസ്സന്‍കുട്ടി, അബു ഹാജി, പി.
കെ മൂസ, വി.എ ഹനീഫ, കെ.പി അബ്ബാസ്, പി.ഇ ഹുസൈന്‍, പി.എസ് മുഹമ്മദ് സംബന്ധിച്ചു. ഇടുക്കി ബ്യൂറോ ചീഫ് ബാസിത് ഹസന്‍ സ്വാഗതവും പി.എസ് സുബൈര്‍ കൃതജ്ഞതയും പറഞ്ഞു.