പെരുമ്പാവൂര്‍: കേരള വിശ്വകര്‍മ്മ മഹിളാസംഘം പെരുമ്പാവൂര്‍ യൂണിയന്റെ ആഭിമുഖ്യത്തില്‍ വനിത ദിനത്തിന്റെ ഭാഗമായി സ്ത്രീസുരക്ഷ സംരക്ഷണ ക്ലാസ് സംഘടിപ്പിച്ചു. പെരുമ്പാവൂര്‍ വ്യാപാര ഭവനില്‍ നടന്ന പരിപാടി ജനമൈത്രി പൊലീസ് പെരുമ്പാവൂര്‍ പി.ആര്‍.ഒ വി.പി വിത്സന്‍ ഉദ്ഘാടനം ചെയ്തു. യൂണിയന്‍ പ്രസിഡന്റ് സരള കൃഷ്ണന്‍കുട്ടി അധ്യക്ഷത വഹിച്ചു. വനിതാ സെല്‍ സി.പി.ഒ സിന്ധു വേണു ക്ലാസ് നയിച്ചു. സംസ്ഥാന ബോര്‍ഡ് മെമ്പര്‍ കെ.കെ ചന്ദ്രന്‍ വനിതാദിന സന്ദേശം നല്‍കി. യൂണിയന്‍ സെക്രട്ടറി സുനി മുരളി, ട്രഷറര്‍ സിജി മനോജ്, പി.ജി നാരായണന്‍, പി.കെ ബാലന്‍, വനജ അനില്‍, ശശികല അജയന്‍, വനജ ബാലന്‍, ശ്യാമള രാമചന്ദ്രന്‍, പത്മിനി കുഞ്ഞപ്പന്‍ എന്നിവര്‍ സംസാരിച്ചു.