തൊടുപുഴ: വൃക്ഷതൈകളും, പച്ചക്കറി വിത്തിനങ്ങളും വിതരണം ചെയ്ത് പൊലിസ് അസോസിയേഷന്‍ കുടുംബസംഗമം മാതൃകയായി. തൊടുപുഴ മാടപറമ്പില്‍ റിസോര്‍ട്ടില്‍ നടന്ന സംഗമം അഡ്വ ജോയ്‌സ് ജോര്‍ജ് എം.പി ഉദ്ഘാടനം ചെയ്തു. അസോസിയേഷന്‍ ജില്ലാ പ്രസിഡന്റ് ആര്‍. ബൈജു അധ്യക്ഷത വഹിച്ചു. സംവിധായകന്‍ പ്രിയനന്ദനന്‍ മുഖ്യപ്രഭാഷണം നടത്തി. കുടുംബസംഗമ വേദിയില്‍ കുടുംബിനിക്കൊരു അടുക്കളത്തോട്ടം, സ്‌റ്റേഷന്‍ തണലണിയിക്കല്‍ പദ്ധതി എന്നിവയുടെ ഉദ്ഘാടനം തൊടുപുഴ ഡി.വൈ.എസ്.പി ജി.വേണു നിര്‍വഹിച്ചു. സംവിധായകന്‍ എബ്രിഡ്‌ഷൈന്‍ മുഖ്യാതിഥിയായിരുന്നു. നടന്‍ ജോജു ജോര്‍ജ് ക്യാഷ് അവാര്‍ഡ് നല്‍കി.