ചിങ്ങവനം: മദ്യലഹരിയില്‍ രണ്ടു ഇതരസംസ്ഥാന തൊഴിലാളികള്‍ വീട്ടില്‍ കയറി അക്രമിച്ചു.സംഭവത്തില്‍ അസം സ്വദേശികളായ യുവാക്കളെ ഇന്നലെ പൊലിസ് കസ്റ്റഡിയിലെടുത്തു. മൂലവട്ടത്തെ ചെരുപ്പ് കമ്പനിയിലെ ജോലിക്കാരായ ദിബാന്‍ കോ, ജിത്തു എന്നിവരെയാണ് കസ്റ്റഡിയിലടുത്തത്. ഇന്നലെ ഉച്ചയ്ക്ക് മൂന്നോടെയാണ് സംഭവം.
ഇരുവരും മൂലവട്ടം അമൃത സ്‌കൂളിന് സമീപം മദ്യപിച്ച് വഴക്കുണ്ടാക്കിയിരുന്നു. ഇത് ശ്രദ്ധയില്‍പ്പെട്ട ബൈക്ക് യാത്രികരായ യുവാക്കള്‍ കാര്യം അന്വേഷിക്കുകയും താമസ സ്ഥലത്തേക്ക് പോകാന്‍ ആവശ്യപ്പെട്ടു.എന്നാല്‍ വഴക്ക് തുടര്‍ന്നതോടെ യുവാക്കള്‍ വീണ്ടും ഇടപെട്ടതോടെ ഇരുവരും ക്ഷുഭിതരായി.
പിന്നീട് ബൈക്ക് യാത്രികരുടെ വീട് അന്വേഷിച്ചെത്തിയ അസം സ്വദേശികള്‍ ഇവരില്‍ ഒരാളുടെ വീട്ടില്‍ അതിക്രമിച്ച് കയറുകയി. സ്ത്രീകള്‍ ഉള്‍പ്പെടെയുള്ള കുടുംബാംഗങ്ങളെ ആക്രമിക്കാനും ഗൃഹനാഥനെ കെട്ടിയിടാനും ഇവര്‍ ശ്രമിക്കുകയുമായിരുന്നു.
സംഭവം അറിഞ്ഞ് വീട്ടിലെത്തിയ നാട്ടുകാര്‍ ഇരുവരേയും പിടികൂടി പൊലിസില്‍ ഏല്‍പ്പിച്ചു.ഇതിനിടയില്‍ ഇരുവര്‍ക്കും മര്‍ദനമേല്‍ക്കുകയും ചെയ്തു.
അതേ സമയം ഇവര്‍ക്കെതിരെ മൂലവട്ടം സ്വദേശികളായ സജി, അരുണ്‍ എന്നിവര്‍ പരാതി നല്‍കിയിട്ടുണ്ടെന്നും എന്നാല്‍ അറസ്റ്റ് രേഖപ്പെടുത്തിയിട്ടില്ലെന്നും ചിങ്ങവനം എസ്.ഐ പി വി ഷിബു അറിയിച്ചു.