സുരക്ഷാ ഭടന്മാരെയും അവരുടെ വാഹനങ്ങളും ചിത്രീകരിക്കുന്നതും സൈബർ ക്രൈം നിയമം അനുസരിച്ച് കുറ്റകൃത്യമാണ്. ഇത്തരം കുറ്റങ്ങൾക്ക് അഞ്ചു വർഷം വരെ തടവും മുപ്പതു ലക്ഷം റിയാൽ വരെ പിഴയും ശിക്ഷ ലഭിക്കും. നിരോധാജ്ഞ ലംഘിക്കുന്നതിന്റെയും കർഫ്യൂ ലംഘിക്കുന്നതിന് പ്രേരിപ്പിക്കുന്നതിന്റെയും വീഡിയോകളും ഫോട്ടോകളും പ്രചരിപ്പിക്കുന്നവർക്ക് സൈബർ ക്രൈം നിയമത്തിലെ ആറാം വകുപ്പ് പ്രകാരം അഞ്ചു വർഷം വരെ തടവും മുപ്പതു ലക്ഷം റിയാൽ വരെ പിഴയും ലഭിക്കുമെന്നും ഇത്തരം നിയമ ലംഘനങ്ങളെ കുറിച്ച് അറിയിക്കുന്നവർ യാതൊരുവിധ ഉത്തരവാദിത്തവും വഹിക്കേണ്ടിവരില്ലെന്നും പബ്ലിക് പ്രോസിക്യൂഷനും വ്യക്തമാക്കിയിട്ടുണ്ട്.