തെഹ്‌റാന്‍: യു.എസ് വിമാനക്കമ്പനിയായ ബോയിങില്‍ നിന്ന് 100 വിമാനങ്ങള്‍ വാങ്ങാന്‍ ഇറാന്‍ എയര്‍ തീരുമാനിച്ചു. ഇതുസംബന്ധിച്ച ചര്‍ച്ച നടക്കുകയാണെന്നും യു.എസ് ട്രഷറിയുടെ അനുമതിക്കായി കാത്തിരിക്കുകയാണെന്നും ഇറാന്‍ സിവില്‍ ഏവിയേഷന്‍ ഓര്‍ഗനൈസേഷന്‍ മേധാവി പറഞ്ഞു. ഉപരോധം നീങ്ങിയതിനുശേഷം ഇറാന്‍ ആദ്യമായാണ് വിമാനം വാങ്ങുന്നത്. ഉപരോധം കാരണം ഇറാന്റെ കൈയിലുള്ള 250 വിമാനങ്ങള്‍ മാറ്റാന്‍ കഴിഞ്ഞിരുന്നില്ല. ഇതില്‍ 230 എണ്ണം മാറ്റണം. 17 ബില്യന്‍ ഡോളറിന്റെ ഇടപാടാണ് നടക്കുക. നേരത്തെ 200 വിമാനങ്ങള്‍ക്ക് ഇറാന്‍ ഓര്‍ഡര്‍ നല്‍കിയിരുന്നു. സാമ്പത്തിക പ്രതിസന്ധിയെ തുടര്‍ന്ന് 100 ആയി കുറയ്ക്കുകയായിരുന്നു.