എല്ലമല: ഇന്നും നാളെയുമായി എല്ലമലയില്‍ വോളിബോള്‍ ടൂര്‍ണമെന്റ് നടത്തും.
എല്ലമല ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തിലാണ് രണ്ട് ദിവസങ്ങളിലായി എല്ലമല നൂറുല്‍ഹുദാ സ്‌കൂള്‍ ഗ്രൗണ്ടില്‍ മത്സരങ്ങള്‍ നടക്കുക. ഫ്‌ളഡ് ലൈറ്റുകളുടെ വെളിച്ചത്തിന് കീഴില്‍ നീലഗിരിയിലെ പ്രഖുമ ടീമുകളാണ് മാറ്റുരക്കാനെത്തുന്നത്.സി.എഫ്.സി ബാരം, ആര്‍.ടി.സി ചൂണ്ടി, ന്യൂ ഹീറോസ്, റെഡ് സ്റ്റാര്‍ അടക്കമുള്ള ടീമുകള്‍ മാറ്റുരക്കുന്ന ടൂര്‍ണമെന്റ് ന്യൂഹോപ് പൊലിസ് സ്‌റ്റേഷനിലെ എസ്.ഐമാരായ രാജാമണി, പ്രകാശ് ചേര്‍ന്നാണ് ഉദ്ഘാടനം നിര്‍വഹിക്കുക. ഇന്ന് രാവിലെ 10ന് ആരംഭിക്കുന്ന മത്സരത്തില്‍ 32 ടീമുകളാണ് മാറ്റുരക്കുക.